صباحكم ومسائكم خير وتفاؤل

هل بظنكم هناك ما يسمى صداقه بمعناها الحقيقي ؟

قبل كانت اختي تقولي ان مافي احد صادق .. وان مافي صداقه بصدق .. يعني كلها فترة وينسونك ,

ماكنت اصدقها ابدا ولا حتى ائيد كلامها ,

بس فعلا هالسنه اكتشفت هذا الشئ J

صار لي موقف وعرفت ان الكلام اللي قالته لي اختي صحيح او بالنسبه لي صحيح !

قبل 6 سنوات وباول سنه لي بمرحلة المتوسط .. تعرفت على بنت ومع الايام اصبحت من اعز صديقاتي ومن اقربهم لي ،

برغم اني موب أي احد اقدر اتعامل معاه وموب أي احد اثق فيه ..

الا هي .. عديتها صديقه واعز صديقه وقبل ماتكون صديقتي خليتها اختي ..

كنت ازورها بشكل مستمر .. كنت اروح معاها وتجي معاي .. ماكان في فرق ابدا بينا ,

بمرحلة المتوسط دائما مع  بعض تخرجنا من المتوسط ودخلنا الثانوي ..

الكل كان يستغرب صداقتنا .. لدرجه اننا ماكنا نتقبل احد يجي معانا من كثر ما احنا نمون على بعض ..

بصف ثاني ثانوي اضطريت اني اغير مدرستي كانت تحاول فيني اني اجلس معاها بس ماكان لي رأي بهالامر لان اهلي رافضين L

داومت يوم واحد بس بمدرسه غير اللي اهي فيها وماقدرت اتحمل .. لما رجعت لنفس مدرستها ..

مرت ثاني وكانت ايام حلوة ,,

في صف ثالث ثانوي صار اللي ماكنت متوقعته .. واللي ماعمري تخيلته بيصير

البنت تغيرت .. اسلوبها طريقتها بكل شئ ماعاد كانت مثل اول

بدلتني ببنات اقل ما يقال عنهم تافهات .. صاروا اهم همها الوحيد .. ماعاد اشوفها لا بالمدرسه ولا برا المدرسه حتى اتصالاتها ماعاد اشوفها ..

انا تعبت نفسيتي من اللي يصير لي صديقتي تغيرت علي وبدون سبب .. صرت ماعاد ادوام برغم اني ثالث والغياب يأثر علي وعلى معدلي بس اللي كنت اشوفه واحس فيه اكبر ..

انا طبعا بعدها ماعاد لي احد لانها اهي الوحيده اللي كانت معاي طول الوقت .. اضطريت اجالس بعض الزميلات اللي مادري وش بتكون نظرتهم لي .. بعد ماجيتهم لان صديقتي تخلت عني !

مرت ايام ما ان احط رجولي برا المدرسه الا ابكي من بعد اللي صار لنا ..

قررت اواجهها واستفسر عن سبب تخليها عني ..

لما قلت لها .. انها تغيرت .. فاجأتني الا حرقتني بكلمه / انا مليت خليني اغير خليني اتونس

انا من بعد هالكلمه ماعاد انتظر منها شئ J

انتظرتها تندم .. او تحس فيني بس ماكانت معطيتني أي اهمية ,,

قررت وقتها اني اسحب نفسي واسلي نفسي بصديقات وقفوا معاي وقت تخليها عني ..

الحمد لله ربي عوضني ببنات احسن من العسل “الحمد لله”

بديت انسى او اتناسى صديقتي وموقفها اللي سوته معاي .. اهي مادامها مرتاحه الله يوفقها وين ماكانت ..

اللي فاجأني مره ثانيه

انها الحين رمت الغلط علي .. لما تعرفت على هالبنات قالت لي انتي خليتني وانتي وانتي ….الخ

مو انتي ياقلبي خليتيني بالاول J ..

يعني كيف تبيني اكون ع الفضلة ؟ والا اجلس استناها متى تندم وترجع مثل ماكانت ؟

اهي الحين اتوقع ندمت ع اللي صار وعلى انها ضيعت من يدها صداقه 6 سنوات على ولا شئ ..

صديقاتي اللي كانوا يعرفونا من قبل صاروا يقولون لي .. لا تكبرين  الموضوع .. البنت تحسفت واهي ما حست انها غلطت عليك وانها وانها

بس انا منقهره من اللي صار لي بسببها ومنقهره من غبائي وسذاجتي يوم صدقت انها عادتني صديقه لها  انا حتى لو هي للحين غاليه وعزيزة بس ماظنيت بتكون مكانتها نفس قبل J

ساعات اندم واقول اهي اخر سنه تجمعنا مادري اذا بشوفها مره ثانيه والالا , والا اذا بنتلاقا بجامعه واحده والالا ..

وساعات اقول اهي لحد الحين ماحست بغلطاتها ولا حتى تنزلت تجي تقولي انها غلطت بحقي ..

انا غلطانه ؟ والا صح اللي اسويه ؟ L

مابي اكون ظالمتها .. وبنفس الوقت مابي اكون مظلومه .. اللي جاني يكفيني .. مابي اسوي شئ واندم عليه

قبل يومين ارسلت لي مسج .. عوّر قلبي ..

لابلغوك وقالوا إني توفيت أرجوك سامحني وحلل مماتي ‏ لاغبت عنك في ترابي وتواريت إستر عيوبي وادعلي بالثباتي ‏ تذكر العشرة لو اني قد اخطيت وانسى الخطا وأذكر جميل صفاتي ‏ يمكن معك فبعض المواقف تماديت وأضنها زادت معك سيأتي ‏ لكن حشى لله مامثلك حبيت♥ ولا فيه ” حي ” ينافسني بغلاتك

لو بموقفي وش بتسوون ؟ L

وتم افتتاح المدونه فجرية 24 / 4 / 2008